Choque circulatoriu

Alvertencia: Wikipedia nun ye un consultoriu médicu nin farmacolóxicu. Si piensa que precisa ayuda, por favor, fale con un profesional de la salú.

Choque circulatoriu
Síndrome y síntoma o signo (es)
insuficiencia circulatoria (es) y síntoma cardiovascular (es)

El choque circulatoriu, tamién llamáu shock circulatoriu, ye un estáu fisiolóxicu nel que, n'etapes iniciales, la perfusión (l'intercambiu gaseosu) de los texíos ye insuficiente pa cubrir la demanda d'osíxenu y nutrientes pa la respiración aeróbica celular.^[1]

Los síntomes típicos del choque circulatoriu son: presión sanguínea baxa (hipotensión), pulsu rápido (taquicardia) y amuesa de perfusión periférica probe, evidenciada por descompensación o ausencia de funcionamientu d'órganos periféricos (producción baxa d'orina, tracamundiu o perda de conciencia).

Esti tipu de choque nun ta rellacionáu cola reacción de estrés agudu. El choque circulatoriu ye una emerxencia médica y una de les causes más comunes de muerte en pacientes n'estáu críticu. Puede tener una gran variedá d'efectos, toos ellos con desenllaces similares, pero n'esencia toos rellacionaos con un problema del sistema circulatoriu; por casu, puede conducir a la hipoxemia (falta d'osíxenu nel sangre arterial) y, poro, al paru cardiaco.

Otra de les sos carauterístiques ye'l so mecanismu de progresión. Una vegada que s'empecipia tiende a empiorar, polo que ye de suma importancia atendelo darréu pa la sobrevivencia del paciente.^[2]

1. ↑ Brunicardi, F. (2006). Schwartz: Principios de ciruxía, 8^va, McGraw-Hill. ISBN 9789701053737.
2. ↑ ASPEUTOS CLÍNICOS NA REANIMACIÓN DEL SHOCK - Departamentu de Anestesioloxía. Hospital Clínicu Pontificia Universidá Católica de Chile.